دليل الكويت مقالات

مواضيع جولات - مدونة Pink Girl Q8 - مطعم زعفران في المحرق

مطعم زعفران في المحرق

za3fran1
من الاماكن اللي رحت لها في البحرين وحبيتها كونها جمعت التراث بأكله وبعض الديكورات وبالمكان الشعبي الجميل اضافه الى لمسات عصريه بسيطه خفيفه
مطعم زعفران باي جينا
لو اروح بروحي مستحيل ادله لانه بين فرجان ودواعيس بالمحرق القديمه الجميله
عندهم اكثر من فرع بس ماني عارفه مواقعم بالضبط اضافه اني طلبت اشوف المكان الاقدم فيهم
za3fran2
المطعم ماخذ مكان مدبسه مابي اشرح وافتي لاني ماعرف الشرح بالضبط لكن مكان كانوا يزلون فيه الدبس من التمر
والشرح بيي بالصور القادمه

القعده بره تشوق بس يبيها جو حلو
za3fran3za3fran4za3fran5
وهذي المدبسه وشرحها
za3fran6za3fran7
وهذي مدبسه داخل المطعم ومسكرينها بارضيه شفافه تمشون فوقها
za3fran8
المطعم صغير لكن شرح وخدمتهم حلوه
وايد يعجبوني الناس اللي يدربون العماله على حسن التعامل مع الزباين
عندهم فلبينيه اسمها ايرنا حد الذرابه والضحكه البشوشه
za3fran9
احلى شي وانتوا قاعدين تسمعون الاغاني البحرينيه الحلوه مثل يالزنه ذكريني وما معاكم خبر زين وهلا باللي لفاني ياهلا به
za3fran10
ضيافتهم تميرات
za3fran11
سألناهم اذا عندكم منيو قالوا لا وريوقنا واحد
:)

يابولنا ماعون مقسم فيه فول وحمسة بطاط وبيض طماط وفاصوليا حمره
كل شي كان طيب
za3fran12
بلاليط مع بيض
za3fran13
خبزهم التنور خفييييف ولذيذ وفريش تبارك الرحمن
جان زين خبابيزنا بالكويت يسوون الخبز جذي خفيف
za3fran14
وهذي فطاير على جبن
وباكوره ساندويتش
za3fran15
كرك
za3fran16
وبعد ما خلصنا ريوق وطلبنا الحساب وزعوا علينا قلاص صغير فيه ماي الزعفران باااارد
za3fran17
مطعم زعفران في المحرق
الموقع: سوق القيصر ّية – مدينة المحرق

أوقات العمل: الساعة ٩ صباحا – ١ ظهرا ومن الساعة ٤ مساءا – ٨ مساءا
تلفون : +9713623191

تعليقات
مشابهه لـ مطعم زعفران في المحرق