دليل الكويت مقالات

مواضيع جولات - سياحة وسفر - كافيه الثلجي في دبي Chill out cafe in Dubai

كافيه الثلجي في دبي Chill out cafe in Dubai

كنت أسمع من زمان عن كافيه ديكوره من الثلج و درجة حرارته منخفضة جدا و تجربة زيارته من أكثر التجارب اثارة في دبي حيث تعيش تجربة الحياة في فريزر بارد على هيئة كافيه

IMG_2685

كانت الفكرة فكرة صديقي الجديد و اللي تشرفت بلقائه و معرفته خالد الفيلكاوي صاحب مدونة 

KOR Blog
http://www.mykorblog.com/

حيث اقترح خالد نلتقي في هذا الكافيه علشان تكون ذكرى اللقاء حلوه و مميزه و بنفس الوقت نعيش تجربة جديدة محد فينا جربها من قبل ، و كان اللقاء و التعارف الطيب بيني و بين خالد و النعم فيه خوش ولد و قعدنا نسولف بالساعات .. طبعا مو داخل الكافيه لأن ما اعتقد قدرنا نطول فيه اكثر من 40 دقيقة .. لكن كملنا قعدتنا في كاريبو كافيه اللي يقع ايضا في داخل المجمع اللي فيه كافيه شيل آوت .. و هو مجمع تايم سكوير

IMG_2686

الأجواء وايد حلوه و باردة و القعدة مميزة و لكن تتطلب تحضيرات قبلها

أولا لازم تكونين لابسين شي طويل .. يعني مثلا اللي مفكر يروح لابس شورت ما أنصحه لأنهم راح يعطونك جاكيت مع دس و تكرمون جوتي لو حبيت .. لذلك يفضل لبس شي طويل تحت 

و هذي الجاكيتات مصففه و جاهزه حق الزوار

IMG_2732


و هذا باب المدخل .. طبعا أول تعليق قلناه : باب فريزر مو كافيه

IMG_2731
الديكور داخل وايد حلو و راح تشوفون منحوتات رائعة لمجسمات تمثل دول العالم

IMG_2698 IMG_2725

و أيضا أضافوا في الفترة الأخيرة بعد نجاح فيلم فروزين صور لشخصيات الفيلم اللي تدور أحداثه الحلوه في الثلج .. فلا تستغربون لو شفتي إلسا أو أوليف حواليكم 

IMG_2690 IMG_2723 IMG_2726

في كافيه يقدم مشروبات ساخنة و إحنا طلبنا هوت شوكليت من شدة البرد

IMG_2693
IMG_2714

نسيت أقول لكم إن كان معانا حمد صديق خالد و كان معاي عبدالله ولد أخوي .. و أثنينهم كانو لابسين شورتات و كلوها مساكين .. بس كانت تجربة حلوه و ضحكنا على الموقف

أتركم مع صور من الكافيه 

IMG_2687 IMG_2689 IMG_2694 IMG_2695 IMG_2696 IMG_2722 IMG_2724

Chill out cafe – Time square mall / Dubai

كافيه الثلجي في دبي Chill out cafe in Dubai

 

تعليقات
مشابهه لـ كافيه الثلجي في دبي Chill out cafe in Dubai