دليل الكويت مقالات

مواضيع جولات - مدونة Pink Girl Q8 - المنيو الجديد من دين اند ديلوكا

المنيو الجديد من دين اند ديلوكا

dandd1
امس كنت مدعوه في دين اند ديلوكا لتذوق بعض الاطباق من المنيو الجديد
Taste of Kuwait
اطباق تقليديه كويتيه لكن بطريقة مبتكره واضافات خاصه من الشيف لكن مع الاحتفاظ بالنكهة الكويتيه الاصيله

المنيو اليديد راح ينزل بنص شهر سبتمبر القادم ان شاء الله

تكلم الشيف وسيم من دين اند ديلوكا عن الاطباق ومحتواها وخذا ملاحظاتنا عنها

اول طبق قدموه لنا كان القبوط لكن قبوط دين اند ديلوكا ماراح يكون العجينه اللي احنا نعرفها راح يكون عجينة الرافيولي
الطبق وايد لذيذ والعجينه اخف
dandd2
اللحمه كانت واااايد ترفه ولذيذه مع اني كلش مو من محبي اللحم بالطريقة الكويتيه يعني ما افضل مجبوس اللحم ومرق اللحم وجذي
احب اللحم بدون عظام وبدون شحم ولا شي
بس هاللحمه تبارك الرحمن طيبه
dandd3
مرق لحم مع البطاط وايد كان لذيذ وفيه لسعة حموضه حلوه بس ناقصه عيش مشخول
dandd4
وصلنا حق هالطبق البحري
مادري شقول لكم خليط بين المطبق والمربين لأنه من مكوناته الربيان والسمج والمحار بعد
بس خنين ماحسيت فيه زفرة بحر
dandd5
هالطبق كان احد الاطباق المفضله عندي يعني اذا نزلوا المنيو ان شاء الله اول شي اطلبه راح يكون هذا :)
تاكو بحمسة الربيان
شي لذيذذذذ وايد حبيته
dandd6
اغلب الاطباق ينزل معاها المعبوج وهو نوع من انواع المشهيات بالكويت ومكوناته الاساسيه الفلفل
والطبق ينزل معاه عدة صلصات اضافه للمعبوج منها الساور كريم والهلابينو والجبن
dandd7
مچبوس الدياي
كان لذيذ والديايه ترفه وخنينه وتحسونها مو ناشفه وايد طيبه
ومزينين العيش بالزرشك اللي احبه جدا
dandd8
وآخر طبق كان مرق باميه مع عيش بطاط
المرق كان لذيذ والباميه طيبه بس يابسه شوي وقلتلهم عن هالشي
اما العيش فحبيته البطاط ذايب ومخلوط مع الزرشك والزعفران وقطع البصل على الواجهه
dandd9dandd10
شكرا دين اند ديلوكا والاخت ميس الانصاري على الدعوه وبانتظار نزول المنيو
dandd11

المنيو الجديد من دين اند ديلوكا

تعليقات
مشابهه لـ المنيو الجديد من دين اند ديلوكا