دليل الكويت مقالات

مواضيع جولات - سياحة وسفر - VOGUE Cafe - level Shoe District at The Dubai Mall

VOGUE Cafe - level Shoe District at The Dubai Mall

خلال وجودي في دبي في الفترة الحالية حبيت اكتشف بعض الأماكن و المطاعم و الكافيهات الفريدة من نوعها و اللي مو موجوده في أي مكان .. و من بينها كافيه
VOGUE

الموجود في دبي مول و بالتحديد في قسم ليفل المختص بالأحذية عزكم الله لأهم و أرقى الماركات العالمية

IMG_2335
يتميز قسم ليفل في دبي مول بشكل عام بهدوءه و رقيه و نقدر نقول إنه المكان المثالي للتسوق بدون ازعاج و بتركيزعالي
christy-turlington-vogue-uk-july-2014-cover

كافيه فوغ تابع لمجلة فوغ الشهيرة و هي المجلة الأولى عالميا في مجال الأزياء و الموضة و لها سلطة و كلمة حاسمة في مجال الفاشن .. يعني نقدر نقول إنها المحرك الأساسي لذوق الناس حول العالم في اللي يلبسونه و يشترونه .. و لو اعلنت غضبها و استياءها على أحد من المصممين احتمال كبير يضيع مستقبله .. مجلة لها تاريخ عريق و يكفي نشوف فيلم
The Devil Wears Prada
و نعرف شكثر هالمجلة مؤثرة في المجتمع الأمريكي و العالمي

IMG_2329
الكافيه كبير و ينقسم لأكثر من قسم .. و اخترنا آنا و عيالي خالاتي اللي كانو معاي في رحلة الاكتشاف نقعد في القسم الهادي صوب محل
HARRYS OF LONDON

IMG_2330 IMG_2333

الكافيه يمتاز برقيه و ألوانه اللي تشرح القلب و هدوءه .. و فوق هذا راح تلاحظون بالسقف فوقكم في تصميم فني جميل عبارة عن انعكاس للاضاءات تتحرك و تقل معاها الاضاءة و تزيد بطريقة تعطيكم شعور بالراحه مو طبيعي .. مادري اهما متعمدين هالشي ولا صدفه .. بس جد القعده هناك تحسسك بهدوء مو طبيعي

IMG_2332 IMG_2334

المنيو عجيب و راقي

و بما إن في رمضان أجرمنا بالأكل قررنا نشرب شاي أخضر و نبتعد عن السكريات و السوالف الخطرة و طلبنا شاي بالياسمين انصحكم فيه و بشدة وايد حلو للاسترخاء و آنا شخصيا أفضل دايما شاي الياسمين الاخضر أكثر من أي شاي ثاني

IMG_2331

و طبعا ما يخلى الموضوع من كرم الضيافه .. و ضيفونا بقطعتين شوكليت عجيبين .. ادري بتقولون: وين الرجيم؟؟ الصراحه ما قدرت اقاوم شكلهم و جربت وحده و كانت شي مو طبيعي

IMG_2328و تقدرون تطلبون منهم أنواع و أشكال مختلفه من الكاكاو اللي يشوق و شكله غريب عجيب مستوحى من عالم الفاشن

IMG_2128

بشكل عام الكافيه وايد حلو و يستحق التجربه و اذا كنتو في دبي مول مرو عليه و قعدو فيه شوي و جربو المنيو مالهم آنا متأكد ان عندهم سوالف ذوقها راقي مثل رقي المجلة العريقة

VOGUE Cafe - level Shoe District at The Dubai Mall

تعليقات
مشابهه لـ VOGUE Cafe - level Shoe District at The Dubai Mall