دليل الكويت مقالات

مواضيع جولات - المرأة - The Best Makeup أفضل 5 منتجات ميك أب استخدمتها

The Best Makeup أفضل 5 منتجات ميك أب استخدمتها

مساء الخير

شلوونكم ؟؟

صارلي فترة ما نزلت بوستات

وهالبوست كان المفروض ينزل بداية الشهر بس تأخرت فيه شوي

موضوعي اليوم للبنات فقط .. واللي يحبون الميك أب على وجه الخصوص

بعرض لكم فيه أفضل 5 منتجات ميك أب استخدمتها الشهر اللي طاف

وبحاول ان شالله أكرر هالموضوع كل فترة لما أجرب أشياء يديدة

أول شي بتكلم عنه

كونسيلر دبل وير من ماركة

Estee Lauder

سمعت عنه مدح من فترة وقررت أجربه

شخصياً واايد عجبني .. عندي هالات سودة تحت عيني لكنها موقوية

كنت أستخدم كونسيلر كريولان ولا زلت أحبه .. بس اللي حبيته بهالكونسيلر إنه ينور منطقة تحت العين

وما يخطط حتى لو ماستخدمتوا فوقه لوس باودر

عيبه الوحيد إنه مافيه درجات وايد بالكويت

اللي استخدمته

light 01

وسعره تقريباً 11.500 د.ك

DSC_0829

ماسكرة ميبيلين

Rocket Volum

بشكل عام أحب كل ماسكرات ميبيلين

الصفرة والبنفسجية

جودتهم ممتازة بالنسبة لسعرهم

وهاذي حبيت إن فرشتها كبيرة وتكثف الرموش

أنا أستخدمها مع ميبيلين الصفرة وتعطيني نتيجة وايد حلوة

ماني ذاكره سعرها بالضبط بس ما تتجاوز 5 دنانير

DSC_0830

صمغ الرموش

Lash Grip

لونه أبيض ولما ينشف يصير شفاف

حبيته أكثر من الصمغ الدارك تون

أحس الصمغ الأسود للناس البروفيشنال اللي متعودين يركبون رموش

سعره تقريباً 2,600 د.ك وخذيته من نزيه اللي بمجمع أولمبيا

DSC_0831

آيلاينر من ماركة

Sea Ray

لونه جويتي صريح

واايد حلو ودايماً يسئلوني عنه لما استخدمه

فرشته يمكن ماتناسب المبتدئات

بس حلو ماا يتطوف

سعره تقريباً 7 دنانير

DSC_0835

مازلت بموود الأزرق الجويتي

وآخر شي ماسكرة

Pupa

أستخدمها حق الرموش اللي تحت

وخصوصاً لما أرسم عيني من تحت بايلاينر سي راي

يعزز اللون ويصير واضح ووايد حلو

سعرها 6,500 د.ك

DSC_0834

ان شالله تجاربي البسيطة تفيدكم ولو شوي

ويعطيكم العافيه

The Best Makeup أفضل 5 منتجات ميك أب استخدمتها

تعليقات (1)
لو سمحتي وين ممكن الاقي الماسكرة ميبلين في الكويت
ام روند
مشابهه لـ The Best Makeup أفضل 5 منتجات ميك أب استخدمتها